Sts Kiril and Metodi Macedonian Orthodox Church

Понекогаш животот те учи што значи вистинска сила – не низ големи зборови, туку низ погледот на сопственото дете кое се бори со сè што има. Јас сум мајка на Лилјана. Моето мало, храбро девојче се роди прерано – во 29. недела, толку мало што ја држев во дланка. Од првиот нејзин здив, таа се бори. Се бори со светот, со болеста, со болката. Кога ја добивме дијагнозата – церебрална парализа, ми се сруши целиот свет. Но токму тогаш, мојата Лилјана ми покажа што значи вистинска храброст. Таа никогаш не се жали, никогаш не се предава. Секој ден се буди со насмевка, иако ја чекаат часови вежби, терапии и болки што не секој возрасен би ги издржал. До сега помина низ неколку операции – на нозете, па на раката. Во мај, па во август. Толку мала, а толку силна. Никогаш не рече „не можам“. Секогаш вели „ќе се потрудам, мамо“. Сега пред нас стои нова голема битка – операција во Турција. Тоа е шансата што може да ѝ го промени животот. Да застане на свои нозе, да направи чекор, да трча кон нас, да го почувствува детството онака како што треба – без болка и ограничувања. Како мајка, не постои поголема болка од тоа да гледаш дека твоето дете сака, а не може. И не постои поголема желба од тоа да направиш сè – само да го видиш како оди, како се смее, како живее без страв. Затоа, со вера во добрината на луѓето, ве молам: Помогнете ѝ на мојата Лилјана. Секој ваш денар е чекор поблиску до нејзината слобода. Секое споделување е глас повеќе за нејзината надеж. Секој ваш гест е доказ дека хуманоста сè уште постои.

Нашата драга пријателка, Даниела Василева, неодамна се соочи со неочекуван здравствен предизвик, мозочен удар со крварење во мозочното стебло. Со Божја милост и нејзината силна волја, таа секој ден напредува и храбро чекори кон целосно закрепнување. Даниела има само 39 години, и е мајка на три прекрасни деца. Таа е радоста на нашата црковна и македонска заедница. Секогаш е насмеана, подготвена да помогне, да организира, па и да запее каде и да се појави. Сега е време ние да ја поддржиме со љубов, молитви и внимание додека продолжува нејзиниот пат на оздравување. Заедно, со малку финансиска помош, ќе ѝ овозможиме да ги подмири медицинските трошоци и повторно да блесне со својот препознатлив дух. ------------------- Our dear friend, Daniela Vasileva, recently faced an unexpected health challenge — a brainstem hemorrhagic stroke. Thanks to God’s mercy and her strong spirit, she is recovering and taking brave steps forward each day. Daniela is only 39 years old, a loving mother of three wonderful children, and a joyful presence in our church and Macedonian community. Always smiling, singing, helping organize events, and lifting others up. She’s the heart of every gathering. Now it’s our turn to lift her up with love, prayers, and support with her substancial medical expenses as she continues her healing journey. Let’s surround Daniela and her family with faith, hope, and care — just as she has done for so many of us.