Teksa Vasili po kthehej në shtëpi, rreth orës 2 të mëngjesit të premtes në Durrës një makinë e përplasi për vdekje, duke e lënë të dergjej në anë të rrugës.

Vasilin nuk e ndihmoi askush, shoferi u largua me shpejtësi ndërsa qëndroi i shtrirë për 4 orë derisa u gjet nga kalimtarët në mëngjes.

Ai la pas tre fëmijë, Vjolnin, Klajdën dhe Ermalin, tashmë jetimë, dhe nënën e tyre, e cila duhet të përballojë e vetme çdo vështirësi. Prindërit e Vasilit janë të moshuar.

Tre fëmijët e mitur jetimë kanë nevojë për ndihmën tonë më shumë se kurrë. Kjo është një thirrje për këdo që ka mundësi të vërë dorën në zemër për t’i lehtësuar sadopak dhimbjen familjes Hasani.

Të mos i lëmë vetëm fëmijët e Vasilit!

SQARIM: Për personat që pyesin se kush jam. Quhem Ervin Haxhiu, nipi i Vasil Hasanit. Njëra prej motrave të Vasilit, quhet Laureta Haxhiu/Hasani, jam djali i saj. Çdo kontribut i juaji do të shkojë për tre fëmijët e Vasilit dhe Brunildës, për arsimimin e tyre dhe çdo gjë që do ju duhet.

Faleminderit nga zemra në emër të familjes Hasani secilin prej jush për këto kontribute që vlejnë shumë për ta. Zoti ua shpërbleftë.