Të bashkohemi për familjen Kruja – zjarri u mori gjithçka, por jo shpresën Mbrëmjen e së premtes, një zjarr i fuqishëm në Bulevardin “Bujar Bishanaku” në Shkodër shkrumboi brenda pak çastesh mundin e një jete të tërë të familjes Kruja. Sot, Blerim Kruja, bashkëshortja e tij, katër fëmijët dhe nëna e moshuar kanë mbetur pa shtëpinë dhe pa shumë prej gjërave më të domosdoshme të jetës së përditshme. Janë 7 anëtarë të një familjeje që kanë nevojë për solidaritetin tonë për të nisur nga e para.

Po hapim këtë GoFundMe me një qëllim të vetëm: të ndihmojmë familjen Kruja të përballojë ditët e vështira pas zjarrit dhe, hap pas hapi, të krijojë sërish një strehë të sigurt për fëmijët dhe gjithë familjen. Çdo kontribut, sado i vogël, ka vlerë. Nëse nuk keni mundësi të dhuroni, edhe shpërndarja e kësaj thirrjeje mund të ndihmojë që ajo të arrijë te sa më shumë njerëz. Shqipëtarët e kan treguar gjithmonë se në ditë të vështira dinë të bëhen bashkë. Sot është momenti të bëhemi bashkë për familjen Kruja. Ju falënderojmë nga zemra për çdo kontribut dhe çdo shpërndarje.