Schule in Kambodscha braucht einen neuen Boden

Liebi Frönde, Famile ond Interessierti

Met üsem ganze Härzbluet hend mer üsi 6 Woche in Phnum Ta Sam, Kambodscha met üch dörfe teile. Dör üsi Filmli hend mer üch of die Reis chönne metnä ond dörfe zeige, wieso mer üs so fest ih das Land ond d Mönsche verliebt hend. Üchi Reaktione druf hend üs zeigt, dass dä Ihbleck i die anderi Wält ou met üch öpis gmacht hed. Die Reis hed üs verändert ond üs es Gfühl vo purer Dankbarkeit gschänkt ond dorom esch es üs so wechtig, dass mer i üsere Familie in Kambodscha öbis dörfed zroggäh. D Schuel in Phnum Ta Sam esch of üsi ond üchi Helf agwese. Sie brucht en neue Bode för’s Klassezemmer ond en Onterstand, damet d Chend chönd dosse si, wenns rägnet. Wenn ehr done gärn öpis wönnd biträge ond üs ih üsem Härzensprojekt wönd onderstötze, denne dörfed ehr sehr gärn met ere chline Spänd dezue biträge. Das Gäld god uf direktem Wäg ah üse Projektleiter in Kambdoscha, wo üs onderstötzt.

Mer freued üs druf, die Fortschrett met üch chönne zteile.

Danke❤️

Kerstin & Pascal