Nou òganize leve fon sa pou nou sipòte ajan ponpye yo ki te viktim pandan yon kamyon gaz te pran dife jou ki te 30 avril 2020 an sou Wout 9 la. Nan aksidan sa, te gen yon ajan ki te rele Sergo Joseph ki mouri ki kite madanm ak yon timoun 5 kan.

Hismervil Boaz ak Jaques Ronald se 2 lòt sapè ponpye ki te boule grav nan aksidan sa, jiskaprezan yo paka itil tèt yo anyen. Yo deklare yo gen plis pase 10 an depi y ap travay pou leta ayiti, se menm leta sa ki ba yo do nan moman trajik sa. Pou yo peye lopital k ap ba yo swen yo merite, se eskont yo oblije pran. Gouvènman an pa dekese 5 kòb pou viktim yo ak fanmi yo.

Tout moun konnen ayisyen se yon pèp ki solidè, an nou pote kole pou nous sove lavi 2 sapè ponpye sa yo epi pou nou soutni fanmi ajan ki mouri a. Fè yon jès lanmou, bay saw kapab!