Dawtmi

Hawikom le nulepa vialte hna,

Ka min cu Roland a si. Ram 3nak i a chuakmi le ṭhanglianmi Laimi kan fale hna nih Laiholh an thlau thluahmah cang ti cu nan hun hngalh ciomi a si. Cucaah online in Laiholh cawnnak website ka ser. Hi Laiholh cawnnak website nih hin Laimi kan fale tampi a bawmh hrimhrim hna lai ti ka zumh.

Hi Laica cawnnak website cu chawva le caan tampi dih in sermi a si. Cun hi website hi a nun peng khawh nakhnga kum fatin tangka pek a haumi a si. Nain ram le miphun caah ka tuah khawh chun te a si ko tiah ho cio paoh nih fawi tein Laiholh an cawn khawh cio nakhnga man lo tein ka chiah.

Hi website chungah khumh ciami Laiholh cawnnak lawng siloin hi nak in tam deuh chin lengmang in khumh thluahmah ding timhtuah a si. Chawva le caan tampi pek thluahmah a hun hau rih lai.

Cucaah a siaherhmi tete nan um sicun hi website caah tiah bawmhnak hlut khawh a si. A tlawmtam kha biapi a si lo. Dollar fang 1 te a si zongah hi website caah ṭhathnemnak tampi a ngeimi si. Hlut awk na ngeih lo zong sile a poi hrimhrim lo. Lunglawm tein hi website cu rak hmang hram ulaw, nan fale caah ṭhahnem santlai sihram ko seh tiah ka bia ka donghter.

Lunglawmhnak nganpi he

Roland