ወንድምን ማንሳት የወንድም ሀላፊነት ነው

ከጥቂት አመታት በፊት በኢቫንጀሊካል ቲቪ ይተላለፍ የነበረው ብዙ ዘማሪያን የወጡበት እጅግ ተወዳጁ የዜማ ጊዜ ፕሮግራም አዘጋጅ እንዳለ ወርቁ (ዳሽ) አቀራረቡ ማራኪ ቀለም ያለው ሆስት፤ እርጋታው ተመልካችን የሚስብ፣ የራሱን ለዛ የተላበሰ እንደነበር ሁላችንም እናስታውሳለን።

የፈጠራ አካሄዶቹ የሚተላለፉትን የዝማሬ ፕሮግራሞች ተወዳጅ እንዲሆኑ አድርጓቸው ነበር። በስቱዲዮ የመዝሙር አምልኮ ደረጃና በፕሮግራሙ ይዘት በደምብ ታስቦበት የሚያሰናዳ ፕሮግራም ያዘጋጅ ነበር። በዚህም ብዙዎች ዛሬ አብዝተን የምናዳምጣቸው ወጣት ዘማሪያን እንዲነሱ ምክንያት ሆኗል።

እንዳለ (ዳሽ) የሚጋብዛቸው ዘማሪያን በፀጋ ከምንወዳቸው አንስቶ ማንም እስከ የማያውቃቸው አዳዲስ ዘማሪያን ድረስ የተውጣጡ ናቸው። በተለይ በየቤቱ የተደበቁ ዘማሪያን ጌታ በሰጣቸው ፀጋ ሲገለጡ ''የት ነበሩ እስከዛሬ?'' ብለናል። የፕሮግራሙ ይዘት አምልኮን፣ ምስክርነትን፣ የአገልግሎት ተሞክሮን ማካፈልን፣ ምክርንና ኢንተርቪዎችን ያዘሉ ነበሩ።

የዛ ተወዳጅ ፕሮግራም አዘጋጅ ወንድማችን ዳሽ አሁን ያለበት ሁኔታ ጥሩ አይደለም። ለብዙዎቻችን በረከት የነበረ ልጅ አሁን ላይ እንኳን ፕሮግራም ለመስራት ይቅርና በግልም በብዙ አይነት ከገንዘብ ጋር የተገናኙ ፈተናዎች ውስጥ እያለፈ ይገኛል።

አሁን ላይ ይሄንን ወንድማችንን ለማገዝ እና ተወዳጅ ፕሮግራሙንም እንዲጀምር ለማድረግ በተለያዩ አገልጋዮች አማካኝነት እንቅስቃሴ እየተደረገ ይገኛል። ይህ የጎፈንድሚ አካውንትም ወንድማችንን ለማገዝ በእርሱ ፍቃድ የተከፈተ ነው። ወንድምን ማንሳት የወንድም ሀላፊነት ነውና፣ ለደከመ ቀኝን መስጠት የክርስቲያን ግዴታ ነውና ሁላችንም ቅዱሳን የአቅማችንን በመለገስ ከወንድማችን ጎን እንድንቆም አደራ እንላለን።