Mulipola Anarosa Molio’o. Sui Tauva mo Palauli 1
O le a ou le toe taili tulāfanā aua paia sausaugata o Samoa . I le afua mai Gaga’e seia paia le Atululuga .I le papa le gae’e o tupu ma tamali’i faapea le fala le see o faleupolu o tofiga . Tulou !
E faatulou foi i le nofo a faafeagaiga ma o latou faletua i soo se fata faitaulaga , o loo outou faafale le malu i soo se tafa o le kelope ma faanōnō ni manū aua Samoa ma ona tagata .
E tātā liu ae popo’e e pei o le upu i le folauga a alii Toga , ina nei sala le gagana pe sosopo foi le manuvale i le fogatia ao tōtō a’e le fuifui , ona avea lea ma lape o lo matou faamoemoe.Peitai e maualuga i le taofi o Samoa o le atunuu e mamae i ana tu ma aga , aemaise o lana faakerisiano e mataga ai mea uma ona o le alofa faale Atua .
Ua logo i Pulotu le mapuea a Tai’i ina ua fia maua se fesoasoani , a’o le momoo foi a le Malietoa i una o le i’asa fai mai “ Ua se i’a e moe mauaga o Salafai .” E ui lava toe o una o le i’a na totoe , ae na foai lava e Puleleiite .
Ua faapena se lagona vaivai Samoa le atunuu pele, aemaise lo tatou Itumalo Palauli 1 o loo alala ma papaaao i
tafa e fia o lenei lalolagi.Ua faatagisia la outou fesoasoani , ae o so tatou sao mo le faamoemoe o le afioga ia
Mulipola Anarosa , omaia sei o tatou oloolo pitovaa faatasi togi foi sa tatou maa e avaga lima ai taumafaiga a lo tatou Vaega Faaupufai o le
"FAATUATUA I LE ATUA SAMOA UA TASI ." O upu masani a le atunuu , " E iloa lava le Isaraelu moni e sisi lona
faamalama ma vaavaai i lona nuu poo faapefea mai ". E tatalo atu ai ma le agaga maualalo Samoa le atunuu pele, faapea lo tatou Itumalo Palauli 1 e aofia ai Foailalo , Foailuga , Satuiatua , Salailua , Siutu , Taga ina ia tatou
lagolagoina lenei faamoemoe.
O upu a le Tusi e sili le manuia o lē na te foai atu , i lo le na te taliaina mai , o upu a le atunuu , a e iloa a'u i Si'ulepa oute iloa foi oe i Togamau . O le a lava lau foai e te aao i ai matou te talia ma le agaga fiafia ma le loto faafetai.
O le faamoemoe o seleni uma ma lo outou aao mafola o le a outou maau i ai ,e tuuina uma atu lea i le afioga ia
Mulipola Anarosa Molioo e fesoasoani ai aua taualumaga uma ma tapenaga mo le faiga filifiliga a le atunuu.
Ia faamanuia tele le Atua i lo outou agalelei ma lo outou aao foai .Ia faatumuina pea le falaoa i le kate male
suauu ile fagu, faatutumu ia outou falesaito ma taui atu e Ieova tai sautua afe ona o lo outou agaalofa .
FAAFETAI ! FAAFETAI ! FAAFETAI TELE !.
O TALAAGA OLE AFIOGA MULIPOLA ANAROSA MOLIOO MA ONA AGAVAA:
Na soifua ane i Siutu Sala'ilua Savaii. Aoaoina i St Mary's Primary School i Vaimoso ma faauau atu ai i St Mary's College,avea ai o iai ma Taitai Ulu Tamaitai (Head Girl) ile 1986, ma faamaeaina ai aoaoga ile Catholic Senior School i Moamoa.
Na ulufale atu ile Iunivesite i Papaigalagala ma maua ai le avanoa e aotauina ai ile Iunivesite i Canberra,
Ausetalia.
O nisi nei o vaega na aotauina ai le Afioga Mulipola:
Graduate of Samoa Institute of Accountant, Graduate Leadership of Samoa Program, Fatuaiupu Graduate:
Women in Leadership, Board of Directors Training.
Faamanuiaina le Afioga Mulipola i faailoga nei;
Bachelor of Commerce, Diploma in Accounting, Certificate of Commerce, Member of Samoa Institute of
Accountant (SIA).
O le taimi nei oloo galue o ia o se Deputy General Manager ile Fexco Samoa - Agent for Western Union Money Transfer & No 1 Currency.
E tele foi nisi o vaega oloo auauna ma tautua ai le Afioga Mulipola i totonu o Ekalesia e pei ona avea ai o ia ma
Board Member (Catholic Parish Siusega),
Treasurer - Samoa Charity Foundation for Carmelite Mission.
E galue malosi foi i galuega mo le lelei lautele (Social & Community Projects) e pei ona avea ai o ia ma
Vice President of Samoa Women's Federation for World Peace
Member of Samoa Institute of Accountants (SIA)
Board Member: Samoa Trust Estate Corporation (SOE)
Board Member: Samoa Victim Support Group (NGO)
Faaipoipo atu ile Afioga Molioo Fonoti Matafeo Muaimalae Mulitalo Leoo Pio Molioo Veluaga. Toa lima o laua alo mafanaua a fanau e toa fitu.
