Atrial Septal Defect (ASD) – Ostium Secundum është një nga defektet më të zakonshme të lindura të zemrës. Në terma të thjeshtë, bëhet fjalë për një vrimë në murin që ndan dy atriumet e zemrës. Tek shumë fëmijë, kjo vrimë është e vogël dhe mbyllet vetë me kohë. Tek të tjerët, vazhdon të qëndrojë e hapur dhe krijon kalim të gjakut nga e majta në të djathtë, gjë që detyron zemrën e djathtë të punojë më shumë se normalja.

ASD zakonisht nuk jep simptoma në muajt e parë të jetës. Fëmija duket mirë, rritet normalisht, por defekti ekziston dhe kërkon kontrolla të rregullta. Nëse defekti është i madh ose nuk mbyllet natyrshëm, mund të shkaktojë zgjerim të zemrës së djathtë, rritje të presionit pulmonar dhe lodhje të zemrës në moshë më të madhe. Lajmi i mirë është se ASD II është një defekt që trajtohet lehtë – me procedurë kateterike ose kirurgji, në varësi të madhësisë dhe formës së vrimës.

Prandaj kontrollat janë thelbësore. Ato ndjekin ritmin e rritjes së fëmijës, matjen e ndryshimit të defektit, funksionin e zemrës dhe vendosin qartë kur dhe nëse duhet ndërhyrje. Pjesa më e madhe e fëmijëve me ASD të tipit Ostium Secundum jetojnë jetë normale dhe të shëndetshme, me kusht që diagnoza të ndiqet siç duhet.

Fondacioni synon të mbështesë femijn që përballen me këtë diagnozë. Qëllimi është i thjeshtë: kontrolle të rregullta, qasje te kardiologët pediatrikë, informim i qartë dhe ndërhyrje në kohë. Asnjë prind nuk duhet të mbetet në dilemë, dhe asnjë fëmijë nuk duhet të humbasë trajtimin vetëm pse familja nuk ka mundësi financiare ose nuk ka qasje te specialistët e duhur.

Kush ka mundsi Allahu ju shperbleft .