Wär kennt dr Lenny scho nid?

Ä Fründ für vieli u i üsem Umfäud het äuä scho jede mau vom Lenny öpis brcho - obs itz es guets und hilfrichs Gspräch isch gsi, Hilf mit Strominstallation, ä häufendi Hand bim Zügle, Nachhilf bi Technik, Uflege, Computer, es DJ-Set, es Soundsystem oder neuerdings ou mau paar gueti Foti. Dr Lenny het scho immer öfters gäh aus daser gnoh oder geschweige denn verlangt hät - u darum würd är ou nie für irgendöpis froge ohni mindestens ahzbiete öpis drfür z'leischte.

Hüt am 03.06.2026 isch am Lenny sis Velo vor üsere Huustüre gstohle worde. Sis gliebte Scott Sub Sport 10 Men mit (logischerwiis bim Lenny) diverse Modifikatione, grosse Schibebrämse und spezielle Pedal woner jede Tag zum go schaffe brucht. So Sache si immer müehsam aber i dänke aus Kollektiv isch so öpis uhuere viu eifacher und liechter abgfäderet u darum hoffi uf öii Mithiuf. Es isch ou ke Bättlerei sondern ä Geste vor Solidarität für öper wo nie nach Support würd frage.

Jede Franke wo übernes Ziel usgeit wird am Lenny witergäh zur freie Verfüegig.

Dr Lenny weiss nüt drfo das mir hie fürnes nöis Velo sammle u ds söu o so blibe bis ds aues zäme wär :)

Danke für öii Diskretion und Mithiuf.

Liebi Grüess

Kim