Hoi Zäme. Mi name isch Jenny, ig bi 27 Jahr aut, ha 2 Ching, 3 Chatze, 2 Hüng und eis Ross.

Ig und mi Ma schaffe beidi um sicherdssteue dases a keim vo üsne Ching oder Tier a irgendöppisem fäut.

Letscht Sunnti isch leider mi gröscht Aubtroum wahr worde.

Mis gliebte Seeleross d Rebelle het so e schwäri Kollik gha, dasmese notfaumässig im Tierspital het müesse operiere.

D Rebelle isch leider nid versicheret. Momentan schetze d Ärzt d chöste um die CHF 8000.00 , sicher chames noni säge wüusi leider no immer ir Tierklinik steit.

I weiss, me sött vernünftig si. Aber d Wahl isch zwüsche Läbe und Tod gsi und da isch mis Härz lütter gsi aus der Verstand. Mini Rebelle söu doch no uraut wärde und mi no lang begleite.

D Summe für die OP isch immäns und ig bi verzwiflet, wüui nid weiss woni uf di schnäui so viu gäud söu här becho.

U darum stahni itz da u mache öppis für mi absolut unagnähms: Ig bitte euch um Hilf.

Jede Franke bedüttet mir d Wäut! Ig ud Rebelle danke euch aune scho itz vo Härze für öii Hiuf!

Rebelle + Jenny