Mi fydd criw o hogia Clwb pêl droed Nantlle Vale yn herio sialens y "three peaks" ar yr 20fed o Fehefin 2025. Bydd yr hogia yn anelu i gerdded fyny y mynyddoedd canlynol o fewn 24 awr:

Ben Nevis, Yr Alban

Scaffel Pike, Lloegr

Yr Wyddfa, Cymru

Mae'r hogia yn cynnwys Math mab Ger yn awyddus iawn i gyflawni y sialens er cof am gawr o ddyn, yr annwyl Ger "Siops". Roedd Ger yn bêldroediwr medrus, yn gymeriad hynod arbennig, yn gyn-brifathro ac yn fwy pwysig, yn ŵr, tad a ffrind annwyl i bawb.

Byddwn yn ddiolchgar iawn o unrhyw gyfraniad er côf am Ger a fydd yn cael ei gyflwyno i achos arbennig 'Awyr Lâs' yn unol a dymuniadau teulu mab Ger, Math, peldroediwr a chapten CPD Nantlle Vale a'r teulu.

Mae'r hogia yn anelu i ddarfod ei taith ar droed y Wyddfa erbyn amser tê ar yr 20fed o Fehefin 2025, a byddai cael eich cwmni yn cael ei wir werthfawrogi.