‎السلام عليكم بنات،

‎بنات داخله على الله دخيله وعليكم وعشمي برب العالمين ماله حدود والنعم بالله مايسد باب الا ويفتح الف باب .

‎قبل كلشي كل الاوراق اللي تثبت كلامي قدمتها للأدمنيه حتى يتأكدون من صحة كلامي وهالشي من حقكم كلكم حتى تعرفون مساعدتكم رايحة لناس فعلاً تستحق المساعده وربي شاهد عليه

‎واكعه بأزمه قويه گلبي يفور ومختنگه حيل

‎، بنات من فتره خسرت شغلي وضليت ادور على شغل بس مدا الگي شي يناسب اوقات مدرسة ابني وخصوصاً ابني يعاني من ال

ADHD اللي هو فرط الحركة وقلة تركيز .

‎وهالشي أدى الى تدهور العامل المادي ، زوجي مديلحك على شي. الشقق خلولنا ورقه eviction

‎يعني اخلاء من الشقه ( بصراحة ما اعرف شلون الوقت مشى بسرعه بلمح البصر ماشفت غير احنه بهذا الوضع ) وبعد ما اتوسلت بيهم ينطونا وقت علما ندبر امورنا تعرفون الامريكان ماعدهم بهالموضوع رحمه لان اصلاً الموضوع مو بيد الموضفين كل واحد ديسوي شغله وبس. وحتى كالو بعد الموضوع طلع من ايدهم وصارت القضيه بيد المحاميه الخاصه بالشقق ،، وكالو اتوقعي بأي وقت راح تجي الشرطه ويطلعون اغراضكم بره فلازم تخلون الشقه بأسرع وقت ممكن. اتواصلت ويه محامية الشقق وضليت لمدة اسبوع اعصابي اتدمرت من الخوف والقلق ايميل رايح وايميل راجع اتوسل بيها واشرحلها وضعنا كالت راح ننطيكم مجال اسبوعين فقط لازم تلكون مكان وتطلعون والا ما اكدر اسوي شي. رحت ادور على مكان ثاني كلها تريد ايجار شهر الاول زائد الديپوزت بنفس قيمة اول شهر ايجار . هذا من غير مطلوبين فوك ال 5000$ ايجار شقتنا هسه اللي لازم نوفيها والا راح يبين بالريكورد record عدنا eviction

‎وبالتالي حتى بأي مكان ثاني مراح يقبلونا نأجر لان راح يطلع عدهم ، بس المحاميه كالت اذا ندفع العلينا ماتخلي موضوع الاخلاء يبين بالريكورد . وتفاصيل بعد كومه ادري طولت عليكم بنات بس اريد اوصللكم المعاناة والاذى الواصلتله والا ماجان لجئتلكم لو ما الازمة الچبيره الواكعه بيها. حبيباتي ربي يفرجها عليكم وعلى عوائلكم ومايوگعكم بهيجي ازمه بجاه النبي محمد وآل بيت محمد. قسماً بالله يوميه اكول لزوجي ما اعتقد باجر يصبح عليه لان احس راح انجلط واموت من القهر وزوجي نفس الشي ميت من القهر .

‎بس ساعدوني اطلع من هالازمه والباقي على الله هو حسبي وهو وكيلي وهو كفيلي