Muchutsi wezuva nechiutsi chedundu,

Pakatikati peCopa Cabana pane mhare,

Akabata mugoti sepfumo rehondo,

Achikurungira ramangwana revana vake.

​Ziya rinoerera riri rudo ruzere,

Hari inofashaira chiratidzo chesimba,

Sadza jena rakachena semoyo wake,

Kuti mhuri idye, iye achitsva

​Hama, usamuzvidze nebasa rake remaoko,

Mugoti uyu ndiyo nhovo yake netsvimbo,

Ari kuseva nhamo nemuto wekushinga,

Kuti mangwana vana vake vaburitswe mumadhaka.