दाहाललाई सहयोगको लागि अपिल 

रगत पसिनाले सिन्चित जन्मभूमिको नागरिकताबाट तपाइ हामी जस्ता हजारौँ गैर आवासीय नेपाली (एनआरएन)लाई अलग गरिनु हुँदैन भनेर नागरिकता समितिमा बसेर सरोज दाहालले नेपालबाट काम गरिरहनु भएको छ । एनआरएनको विज्ञ भेलामा सहभागी हुन अमेरिका आउँदा उहाँ अचानक बिरामी पर्नु भयो । गैर आवासीय नेपालीको पक्षमा काम गर्ने हितैसी मित्रलाई अहिले अस्पताल र औषधि खर्चको भारले थिचेको छ । यस सङ्कटको घडीमा दाहाललाई हामी सबैले सहयोग गरौँ । भनिन्छ कसैले भोलि देखेको हुँदैन । आज हामी र हाम्रा सन्ततिको हितमा समर्पित मित्रलाई हामीले सहयोग नगरे कसले गर्ने ? सहयोगी मन र हात अगाडि बढायौँ । दाहाल पेसाले पत्रकार पनि हुनुहुन्छ । उहाँलाई यस विपतदको घडीबाट बाहिर निकाल्न आर्थिक सहयोग गरिदिनुहुन हार्दिक अनुरोध गर्दछौँ ।

 एनआरएन क्यालिफोर्निया च्याप्टर