Dargaggoo Addunyaa Dhufeeraa Barkeessaa nama mul'ata guddaa qabu ture. Mul'atasaa kana dhugoomsuuf imala namni kamuu deemu mara deemeera. Barata jabaa ture. Barumsa isaatiinis Civil Engineer ta'ee ittiin tajaajileera. Gara biyya Ameerikaa erga dhufees barumsa isaa itti fufuun Electrical Engineering dhaan eebbifamee, yeroo muraasa ittiin hojjeteera. Addunyaan nama haawasa isaa keessatti jaalalaa fi kabaja qabu akkasumas tajaajilaa Waldaa Kiristaanaa ture. Dhukkubi kaanserii dhiigaa isa mudate garuu mul'atasaa kanaaf carraa hin laanneef. Waggaa sadii oliif dhukkuba kaanseriin wal'aansoo erga qabee booda guyyaa gaafa 10/31/2025 imala isaa biyya lafaa xumuree gara Gooftaa isaa deemeera.

Addunyaan haadha warraa isaa Boontuu Yaadataa wajjin mucaa ilmaa tokko qabu. Yeroo ulfaataa kana keessatti akka isin maatii isaaf kadhattan akkasumas waan dandeessaniin akka cina dhaabbattan waamicha isiniif goona.