Unë, Edmond Lloni, xhemat i xhamisë së Selitës, po ju drejtohem me një kërkesë të sinqertë për ndihmë në këtë sprovë të vështirë që po kaloj me vajzën time, Belkisen.

Vajza ime është vetëm 1 muajshe dhe deri tani ka kryer dy ndërhyrje në zemër në spitalin “Bambino Gesù” në Itali. Fatkeqësisht, gjendja e saj vazhdon të mos jetë e mirë. Sipas mjekëve, ajo do të ketë nevojë edhe për dy operacione të tjera: një kur të mbushë 6 muaj dhe një tjetër rreth moshës 4-vjeçare.

Aktualisht, shpenzimet tona mujore janë këto:

Qeraja e shtëpisë: minimumi 1000€ në muaj

Ushqimi: rreth 600€ në muaj për dy persona

Transporti (urban nga shtëpia në spital): rreth 100€ në muaj

Shpenzimet spitalore janë të mbuluara vetëm për 6 muaj. Ndërkohë, qëndrimi i vajzës në spital pritet të zgjasë minimumi 10 muaj. Pas kësaj periudhe, do të ketë kontrolle të vazhdueshme çdo javë për 2–3 muaj të tjerë.

Për shkak të këtyre vështirësive, kërkoj ndihmën tuaj sipas mundësisë, që të përballojmë këtë sprovë të rëndë.

Allahu ju shpërbleftë për çdo ndihmë dhe ju ruajtë ju dhe familjet tuaja.