ድምፅ ከራማ ተሰማ! ከራማ ድምፅ ሰምቶ ዝም የሚል ኦርቶዶክሳዊ የለም!!!

ድምፅ ከራማ ተሰማ !

ከራማ ድምፅ ሰምቶ ዝም የሚል ኦርቶዶክሳዊ የለም!!!

የራማ ቅድስት ኪዳነምሕረት አንድነት ገዳም በሰሜን ወሎ ሀገረ ስብከት በራያ ቆቦ ወረዳ ልዩ ስሙ ዞብል ተብሎ በሚጠራው አካባቢ ትገኛለች፡፡ ከተሰዓቱ ቅዱሳን መካከል በአባ ጉባና በአባ ገሪማ አማካኝነት በ6ኛው መቶ ክፍለ ዘመን መመሥረቷን ታሪክ ያስረዳል፡፡

ገዳሟ በየጊዜው የተለያዩ ፈተናዎች እንደገጠሟት የሚታወቅ ሲሆን በ8ኛው መቶ ክፍለ ዘመን በተነሣችው ዮዲት ጉዲት እና በ15ኛው መቶ ክ/ዘመን የተከሰተው የግራኝ አህመድ ያደረሱባት ጥፋቶች የሚጠቀሱ ሲሆን ወርቅ በእሳት እንደሚፈተነው ሁሉ ገዳሟና ገዳማውያኑ በመከራ ተፈትነውና ፈተናውን በኃያሉ እግዚአብሔር ተወጥተው ከአጼ ዮሐንስ 4ኛ ዘመነ መንግሥት ደርሳለች፡፡

እስከ አጼ ዮሐንስ ዘመነ መንግሥት ድረስ ታቦተ ሕጓ ለ300 ዓመታት ተሰውራ በቅዱሳንና ንጹሐን አባቶች ስትገለገል የነበረች ሲሆን በንጉሡ ዘመን በእግዚአብሔር ፈቃድ በተዓምር ተገልጻለች፡፡ እርሳቸውም ገዳምነቷ እንደጥንቱ እንዲጸና አዝዘው ተገድማለች፡፡

በማያቋርጥ ተዓምር አድራጊነቷና ድንቅ ሥራዋ የምትታወቀው ይህች ገዳም ከጊዜ ወደ ጊዜ ዝናዋ እየገነነ እና የቅዱሳን መናኸሪያ በመሆን ዛሬ ለአለችበት ወቅት ደርሳለች፡፡

ይህች ቅዱስ ቦታ በርካታ በእድሜ የገፉና ለበርካታ ዓመታት ከገዳሟ ሳይለዩ ጸንተው የሚኖሩ አባቶችና እናቶች እንዲሁም የወጣትነት ሕይወታቸውን ለፈጣሪያቸው የሰጡ መናንያን በአንድነት ገዳምነቷ የሚተዳደሩባት ስትሆን የነገ የቤተክርስቲያን ተረካቢ የሆኑ የአብነት ተማሪዎችንም በሥሯ በማስተዳደር ሃይማኖትና ሀገር የጣሉባትን ኃላፊነት እየተወጣች የምትገኝ ድንቅ ገዳም ናት፡፡

በተጨማሪም ዝናዋን የተረዱ ምዕመናን በቦታዋ ተገኝተውም ሆነ በአሉበት ሆነው ሲማጸኗት በረከተ ሥጋ በረከተ ነፍስን የምታድል ቅድስት ቦታም ናት፡፡

ገዳሟ በሥሯ የሚተዳደሩትን የልጆቿን ፍላጎት የምታሟላው በሁለት መንገዶች ከሚገኝ ገቢ ነው፡፡

በሃገራችን በተከሰተው የኮሮና ወረርሽኝ ምክንያት ከበጎ አድራጊ ወዳጆቿ ሲገኝ የነበረው ድጋፍ ሙሉ በሙሉ በመቋረጡ ከአስከተለው ፈተና መውጣት ሳይቻል ገዳሟ በራያ ቆቦ፣ በአፋር ዞብል እንዲሁም በዋጃ አላማጣ አዋሳኝ ሥፍራ ላይ የምትገኝ በመሆኗ ምክንያት ከፍተኛ የጦርነት ቦታ ስለነበረች በቅርቡ በተካሄዱት ተከታታይ ጦርነቶች ምክንያት ገዳሟ ከፍተኛ ጉዳት ደርሶባታል፡፡ በመሆኑም፡-

አድርጓቸዋል ፣

እንግዲህ ከላይ የተዘረዘሩት ወቅታዊ ችግሮች በመከሰታቸው ምክንያት በገዳሟ ላይ ከፍተኛ ጫና አሳድረዋል፡፡ በመሆኑም ዛሬ ነገ ሳይባል መፍትሔ መስጠት ተቀዳሚ ተግባር እንደሆነ መገንዘብ ያሻል፡፡ ለገዳሟ መናንያን እና የአብነት ተማሪዎች ዓመታዊ ቀለብ የሚያስፈልገው ዝርዝር ከዚህ እንደሚመለከተው ነው፡-

ከዚህ በተጨማሪም ገዳሟ ዘላቂ የገቢ ማስገኛ እንዲሆን በደሴ ከተማ በአንድ በጎ አድራጊ ምእመን ለገዳሟ በተሰጠ መሬት ላይ እየተሠራ ያለውን ባለ 7 ወለል ሕንፃ በፍጥነት በማጠናቀቅ ወደ ሥራ በማስገባት ገዳሟን ከዘወትር ልመናና ጥገኝነት ማላቀቅ ቸል ሊባል የማይገባው ትልቅ ቁም ነገር ነው፡፡ በአሁኑ ወቅት የሕንፃው የመጀመሪያ ወለል ኮለሞቹ የተጠናቀቁ ሲሆን ቀጣይ የሁለተኛ ሦሌታና ኮለሞችን ሥራ ለማከናወን፡-

ገዳሟን እስከአሁን ሲደግፏትና ከጎኗ በመሆን መከራዋን ሲያቀሉላት፣ ሸክሟንም ሲያራግፉላት የነበሩ ወዳጆቿና ልጆቿ ላደረጉት ሁሉ ቸሩ እግዚአብሔር ዋጋቸውን በነፍስም ሆነ በሥጋ እንደሚከፍላቸው እያመንን ዛሬም በሐዘኗና በጉዳቷ ጊዜ በጎ አገልግሎታቸው እንዳይለያት እናሳስባለን፡፡

በዚህ አጋጣሚም ጥሪዋን ለሚሰሙት ሁሉ ለሚያደርጉት ሁሉን ዓቀፍ ድጋፍ የባንክ ሒሳብ ቁጥርና የስልክ አድራሻ ከዚህ በታች ተጠቅሷል፡፡

የእግዚአብሔር ቸርነት የእመቤታችን ቅድስት ድንግል ማርያም በረከትና አማላጅነቷ በሁላችሁም ላይ እንዲያድርባችሁ እንጸልያለን፡፡

እግዚአብሔር ኢትዮጵያን ይባርክ፤