Precisamos carpas para o "Entre Lusco e Fusco"!

O Mercado agroecolóxico "Entre Lusco e Fusco" é unha iniciativa que se ven celebrando todos os martes desde o ano 2010 no Parque de Belvis, Compostela, baixo os princípios da autoxestión, a ecoloxia e o consumo responsábel. Durante todos estes anos somos dúcias as persoas, proxectos e iniciativas vinculadas à produción e elaboración ecolóxica, a artesania, à educación,... que pasamos e continuamos desenvolvendo as nosas atividades nun mercado pioneiro na Galiza e que serviu de referencia para a aparición de moitos mais por toda a nosa xeografia.

Mas nos últimos tempos, entre outras moitas dificuldades, fomos obxecto do roubo das carpas coas que desenvolvamos a nosa atividade, especialmente no inverno. A indiferencia das autoridades municipais, asi como a nosa intención de seguir afondando na nosa alto-organización e a autoxestión da nosa atividade, fan que poñamos en funcionamento esta campaña, xa que, agora que se achega o inverno, precisamos ter estruturas sólidas nas que montar os nossos postos e continuar exercendo o que é muito mais que unha atividade comercial: é unha mostra de que é posíbel producir de outra maneira, consumir de outra maneira, tecer relacions de apoio mútuo e camiñar cara outro modelo de sociedade mais xusta e solidária. Asi, cos cartos recadados, procederemos a mercar novas carpas que substituam às subtraídas, garantindo que todos e todas as participantes do mercado podan dispor de meios suficientes para reagardarse no, como ven sabedes, complicado inverno de Compostela. Precisamos de vos!!