Hauptbild des Spendenaufrufs

Lai Caholh Lai Tuanbia caah Christmas Laksawng

Spende geschützt
Lai Caholh Lai Tuanbia caah Christmas Laksawng
 
Lai caholh le Lai tuanbia kong hlat le ttial ah a pum aa pemi Salai Okla Bik, Matupi a ummi, ca lei a rianttuannak herhhai zalhnak ah na sian zat Christmas laksawng can ah na thawh ve naklai toidornak he kan in sawm.
 
Salai Okla Bik cu Lai tuanbia, abikin Laimi chungin kan u le kan pa konglam a hlathlai le a ttial pinah Lai cachuak kip a khawmtu le a fimtawltu a si. Innlo le hmunhma rep he khuasa a si lo caah, tutan tlawmtuknak kan tuahmi nih hin, a tlawm bik cauk chiahnak bizu le hrawl, cun cauk cawknak le cattialnak a herhhai tal izal kho seh ti saduhthah a si. Thawh kho cio usih tiah hmuitinh zat hi US$3,000 a si. Kan thawh ciomi tangka cu Fingrei Phu nih ttuanvo laak in ramchung ramleng ah a khawmh lai i amah Salai Okla Bik sinah a ning tein kan ap lai. Zapi sinah thawngthanhnak zong Facebook pinah Muko Mekazin, Hakha Post, Chinland Post le Fingrei Journal ah a dikthlir in kan tuah lai.
 
Upatnak he,
Fingrei Phu (Chungtel: Joel Ling, Lian Ding Hmung, Van Biak Hmung, Salai Tial Awi Thang, Salai Lairamthang, Kawl Lian Thang, Sang Peng Ling, Miriam Biak Cin.)
 
SALAI OKLA BIK KONGLAM TAWI
 
Lai caholh Lai tuanbia kongkau ah hlathlai le khawmhsuatnak in siseh, a rel le a ttialnak in siseh a pum aa pemi palai kan ingeihchun ah Salai Okla Bik zong hi aa tel ve lai. Lai upa tuanbia a hngal ngaimi le a khawmsuami a si i, Chin Hruaitu Hna Keneh Dawh timi cauk zong CACC (Chin Association for Christian Communication) nih kum 2017 ah an chuah. Kawlca in biazai 100 hrawng a ttial cang i Kawl biazai cauk Chin taung pia taan ahlah hnenh achia kabia mia zong kum 2019 ah a chuak. Lai Holh Reltu, TABC Authawng, ZBC News Bulletin, Muko Mekazin, Tthingtthang Mekazin, Miattataman, Pinngiatasaung, Miatpinngia,Tamaing Journal,Chin World, Khonumthung News, Chin Magazine tbk ah ca tampi a ttial.
 
Sianginn a kai lioah tang 10 ka awn hlan lo kedan kaa danh lai lo tiah biakhiahnak a tuah caah kum 1986 i tang 10 (B) a awn hnu lawngah kedan aa danhmi a si. A lenglei rianttuanmi ngai ngei kho lo tiangin carel le cattial aa sehchihmi, Lai tuanbia abikin Lai upa konglam hlat ah hmun kip le khua kip a tlawng tawnmi a si. Siangbawite chan lioin nihin tiang Lai cachuak le Laica tuanbia hi a tlangpi cun a cuanh khawh dih ti khawh a si. Lai cachuak khawmhsuat le fimtawl hi a rian biapi ngai ah a ruahmi a si.
 
Salai Okla Bik cu Matupi peng Okla khua ah Pu Tan Hlong le Pi La Hing nih 1964 April 30 ah an hrin. Chuahpi unau pasarih lakah upa bik a si. Kum 14 a si in carel biatak tein aa thawk i kum 15 a si in cattial hram a thawk. Lai he Kawl he ca tam ngai a ttial cang. Mai Nay Sann Linn he an i um i fanu pahnih le fapa pakhat an ngei. Matupi khua Lawngvan sang ah a chungkhar he khua an sak lio a si. Matu Literature & Culture Society ah Secretary, Gethsemane Baptist Church ah Church Chairman a ttuan lio a si.
 
CHINCHIAH: Atu bantuk in amah caah tlawmtuknak kan tuahmi hi Fingrei Phu le aa theihngal hawikom cheukhat nih Salai Okla Bik upatnak le a rianttuan lawmhnak caah kan hrihmi a si; amah Salai Okla Bik fialmi a si lo.
Spenden

Spenden 

    Spenden

    Organisator

    Ram Sang
    Organisator
    Indianapolis, IN

    Deine einfache, effektive und sichere Anlaufstelle für Hilfe

    • Einfach

      Schnell und einfach spenden

    • Effektiv

      Unterstütze Menschen und Zwecke, die dir am Herzen liegen

    • Sicher

      Deine Spende ist durch die Spendengarantie von GoFundMe geschützt