Ndihme Financiare per Godinen e Re

Shoqata “Bijte e Shqipes” Philadelphia ka nisur fushaten per mbledhjen e fondeve financiare per rikonstruksionin e godines se blere me date 23 Korrik 2018. Ftojme te gjithe  bashkeatdhetaret, biznesmenet e intelektualet kudo ndodheni qe te ndihmoni ne kete aksion te madh te komunitetit shqiptar ne Filadelfia per tu dhene femijve shqiptare nje shkolle shqipe te re e dinjitoze; moshes se trete, nenave e baballareve tane; nje vend shlodhjeje, takimesh e bisedash; shoqates “Bijte e Shqipes” nje objekt ku te zhvilloje aktivitetet social kulturore per komunitetin, nje vater te ngrohte, te re e dinjitoze per c’do shqiptar qe jeton apo viziton qytetin tone; nje objekt ku te jemi krenare qe flamuri shqiptar si binjak me flamurin amerikan te valoje perhere ne bedenat e kalase se “Bijte e Shqipes”.
Kemi kenaqesine te informojme se puna vullnetare nga anetare te komunitetit dhe biznesmenet per rikonstruksionin e kesaj godine ka nisur. Shume punime jane marre totalisht persiper per t'u kryer nga bizneset shqiptare qe operojne ketu ne Philadelphia e per shume punime te tjera duhet blere vetem baza materiale. 

Objektivi yne eshte qe te mbledhim $100,000 te cilat do te shpenzohen kryesisht per blerjen e bazes materiale e paisjeve si dhe per pagesat e tarifave te dokumentave ligjore qe do te nevojiten per kryerjen e punimeve. 
Keshilli drejtues I Shoqates “Bijte e Shqipes”  ju fton qe te gjithe se bashku e sipas mundesive  qe ka secili te ndihmojme e te  bejme realitet qe brenda 6-mujorit te pare te vitit 2019 shkolla shqipe "Gjuha Jone" Philadelphia ti vazhdoje mesimet ne kete godine.

Ju faleminderit per mbeshtetjen.