Ajuda-nos a salvar esta escola única

English here ; Catillano aqui ; Deutsch hier

 

Olá, o meu nome é Nina e estou a angariar fundos para salvar umha escola única numha zona rural da Galiza. A escola (Semente) foi criada há 8 anos por familias e é totalmente financiada polas utentes e por um grupo de 115 sócias apoiantes. Dous anos de pandemia de Covid-19 e de confinamento significarom que a escola nom pode continuar as suas actividades mensais de angariaçom de fundos e algumhas famílias tenhem dificuldades para afrontar as quotas da escola. Como resultado, a escola acumulou uma dívida à volta dos 30.000 euros. Temos até à Páscoa para sair da dívida, caso contrário, possivelmente esta incrível escola terá de fechar as suas portas.

 

Quando nos mudámos de Amesterdam para Galiza há dous anos, ficamos surprendidas com o que as famílias tinham conseguido. Conmoveu-me a visom e atitude positiva desta comunidade que cria esta jóia de escola sem apoio governamental apenas com a dedicaçom, amor, dinheiro e trabalho árduo dos pais e da comunidade que os rodeia.

 

O que torna esta escola única é umha multidom de cousas: é umha escola auto-gestionada trilingue (galego, inglês e castelam) totalmente acreditada, que ensina crianças dos 2 aos 12 anos de idade de acordo a um modelo alternativo de ensino. É um projeto comunitário onde todas som bem-vindas, independentemente do quanto possam contribuir financeiramente. A escola baseia-se nos princípios de respeito mútuo, igualdade (de género), construçom de comunidades e uma profunda ligaçom à natureza e à cultura galega. Na verdade, o desejo de transmitir e manter viva a língua, costumes, danças, história e músicas da Galiza foi umha das ideias fundamentais por detrás da fundaçom da escola.

 

A localizaçom da escola ao lado do belo rio Belelle, onde a floresta, os prados e o rio (as praias) servem de parques infantis e salas de aula ao ar livre. Enquanto os pais e mais colaboram na criaçom da escola, as crianças experimentam em primeira mão o poder da comunidade e da colaboraçom. Eventos frequentes e regulares de angariaçom de fundos coincidindo frequentemente com festividades (Magusto, Sam Joam, entruido…) ajudam a manter viva a sabedoria, cançons, danças, poesia, pratos e costumes especiais da Terra e do seu povo e para o seu povo, servindo assim também a comunidade para além da escola.

 

Se alguma vez estiver na zona, adoraria mostrar-lhe a escola ou convidá-lo para umha das suas festas, na esperança de que juntas e com a sua ajuda podamos ultrapassar esta fochanca na estrada para que a escola poda continuar a educar a próxima geraçom firmemente enraizada nos costumes, cultura e a língua galega e emocionalmente inteligente, auto-confiante, com mentalidade comunitária e com pleno domínio da língua inglesa.

 

Web ; Facebook ; Instagram