ሓገዝ ስነ ስርዓት ቀብሪ ሓፍትና ሰምረት ኣፈወርቂ

Simret Afewerki funeral and Family support 

ሓገዝ ንስ.ስ ቀብሪን ደገፍ ስድራቤት ስምረት ኣፈወርቂ 

ሓፍትና ስምረት ኣፈወርቂ ገብረማርያም ተቐማጢት ከተማ ኤድመንተን፤ ንበዓል ቤታ ዮሃንስ በርሀን(ጆን ጻዕዱ ) 4  ደቃን (ሮዳ 16፤ሲሞና14፣ተመስገን 9  ኣይዛክ 6) ሓዲጋ ፡ ሃንደበት ብዘጋጠማ ናይ ካንሰር ሕማም፣ኣብ ንኡስ ዕድሚኣ እያ ተቆጽያ። ስድራ ቤታን ፈተውታን ብሞታ ዝተሰማዓና ልብኻ ዝሰብር መሪር ሓዘን ምግላጹ’ዩ ዘሸግር። እቶም ንስምረት ትፈልጡዋ ፡ ስምረት ኣብ ስድራቤታን ከባቢኣን ዝነበራ ዓቢ ተራ  ኣይትስሕትዎን ኢኹም። ስምረት ኣደ፣ሓፍቲ፣ ማሓዛ ኮታ ኩሉ እያ ነይራ። ፍረ እዚ ከኣ ኣዝየን ብሉጻትን ኣብነታውያን ዝኾና፣ ዓቢ ተስፋ  ዝግበረለን ደቃ ሮዳን ሲሞንን ኣፍርያትልና ሓሊፋ።

ስለዚ ንስነ ስርዓት ቀብርን ከምኡውን ነዘን ዓቢ ተስፋ ዝግበረለን፣ ቡሩህ ተስፋ ዘለዎም ደቃን ፤ መጻኢኦም ከይጽልምት ኩላትና ኢደይ ኢድካ እልና ክንሕግዝ ብትሕትና  ንሓትት ኣሎና'ሞ ሓገዝኩም ኣይፈለየና። እትገብርዎ ሓገዝ ኣዝዩ ኣገዳሲ እዩ’ሞ ኣቐዲምና ነመስግን።