Sunloihtlak Chin Pacangtha Zung Kip Thang

“Zan ka ih lonak a rei, rawl le tthi le ttha ka eilo thawn ka khuk thia thlohthlo in ka fehpi, kham, tikua le ciarbek lak ah ka harsa cuang, so tla ahcun ka ding thei nawnlo ih, ka rualpa ruang cu ka zaangah ka bok ter ih vok vak in ka vak siko" tiah Thangte in a ti. Tuluk ram hnatuannak in damlo ruang ah inn lam tlung ding in Paul San Uk Lal ( 20)timtuah a si. Arualpi tha Zung Kip Thang in a thlah. Lalte damlo besia sin vivo mi cu a rual Thangte in "Muse kalo thlenpi dingih, thaten si thawn ka lo tuamhlawm hnu ah inn ah kan tlung ding" a ti. Tuluk ram nisuahnak lam ihsin ni tlaknak lam pan in 1 January 2020 ah an pok. Muse hman an thlen man hlan Tuluk ram riahbuk pakhat ah Lalte cun Thangte cu mual a liamsan. Mitthli thawn, Thangte in Lalte ruak cu "Na nu le pa hnen ah ka lo thlen tengteng ding" tiah thu a kam. Lai pa cang tha Thangte cun Lalte ruang cu motor thawn a tlunpi. Tuluk le Kawl ramri an thlen zik ah motor ihsin ttumter an si. Zan khua thim lak ah, Thangte cu a rual Lalte ruak pawk phah in Kawlram lam an pan. A harsat tuk caan ah an tlunpi Kawlram tlangparmi pakhat in a zawn phah theu. "Zan ka ih lonak a rei, rawl le tthi le ttha ka eilo thawn ka khuk thia thlohthlo in ka fehpi, kham, tikua le ciarbek lak ah ka harsa cuang, so tla ahcun ka ding thei nawnlo ih, ka rualpa ruang cu ka zaangah ka bok ter ih vok vak in ka vak siko" tiah Thangte in a ti. Zinglam 2 am hnu deuh ah Muse cu a thlenpi riai. Ni li daih in si a than ter hnu ah Lalte ih suahsemnak Falam lam pan in an poksal. Thangte in 6 January 2020 ah a thu kam bangtuk in a rualpa Lalte cu a nu le pa hnen ah a thlenpi. Lalte cu 7 January 2020 ah vui liam a si. Kum 23 tlangval, Pacang ttha Zung Kip Thang Sunloih tlak le hminsintlak na si. By Dr. Joel Za Hlei Kap