استكمال مشروع الصرف الصحي بقريتنا الحبيبية منهري
إدعم اهل بلدك.. ادعم قريتك فى مشروع الصرف الصحي
بمنهرى.
كل اهلنا وابنائنا الكرام بالخارج. احنا مش قليلين خلونا نتوحد ونحل مشكلة الصرف الصحى فى بلدنا اللي كلنا اتربينا فيها ومازلنا لينا فيها بيوت وممتلكات لينا ولاولادنا بعدنا.
بلدنا اللي اهلنا فيها ورجوعنا ليها اكيد سواء استقرار او زياره بيحصل كتير، ماينفعش يبقى بلدنا فيها شباب وعائلات تتخطى الالف بيت وعيله بالخارج فى جميع دول الأرض، ونسيب بلدنا عايمه علي بركه من المجارى ومن العيب اننا ننتظر مسؤل عشان يساعدنا ونتسول المساعده ومنهرى ولادها فى كل مكان ناجحين وقادرين يغيروا الوضع السيء ويحلو المشكله بسهوله.
اي مبلغ مهما كان قليل اكيد ربنا هيبارك فيه... إدعم بلدك وإدعم أهلك وناسك وكمان ادعم موقفك وسط أولادك لما تنزل زياره وتلاقى البلد مجاريها طافحه. رجاء كلنا نتحد ونخلص الموضوع ده. إحنا مش قليلين ولا محتاجين اننا ننتظر حد يساعدنا.. ادعم بلدك اللي هترجعلها وكلنا بنحبها.
خلينا نحط ايدينا فى ايدين بعض ونقدم الخدمه لبلدنا✊✊