Pu Zam Hau Lian-a tanpuina

Pu Zam Lian Hau(Lang zang khua) chu November 9, 2020 (Monday) ni khan Zokhawthar(Tiau) ah bike-in a kal a, Burma ram pana a haw lam chu Mualbem khaw mawng, Meitei Run lei (leilawn) a thleng a, a chawlh hahdam lai takin, Zangtui khua Pu Nang Khan Pau-a fapa Pu Zam Khaw Tut-a chuan insual a cho reng a, Pu Zam Lian Hau-a chuan “nang nena insual hi ka duh lo a ni, khawkhat/vengkhat unau ang kan ni a, hawh teh, insiam la i haw dun zawk teh ang”, tiin a sawm a, ani chu a haw duh rih loh avangin amahin haw turin a insiam a.

Bike chungah a chuangkai chiah tih ah, Pu Zam Khaw Tut-a chuan Hmawlhtum-in a umzui nghal a, tichuan a tukhumah chuan a vua a, bike nen chuan a tlu sawp nuaih a, a hmutu ten duh tawk turin an lo hrilh a, mahse a ni chuan “lo ngawi hmak rawh u, thih in duh ve a mi” tiin a leh hauh hrep a. Pu Zam Lian Hau-a (victim) chu nikhua hre lova a tluk hnu pawh chuan duh tawk mai lovin vawihnih/thum lai a vuak belhchhah a ni. Chu mai chu a la ni lo, a la thi lo palh ang tiin a hrawk ah chemte-in a zei sak zui leh a, Pathian venhimna zarah a hrawk hrui a lo zei fuh lo hlauh mai a, a khabe ruh hnuai/vun a lo zei fuh zawk a, chutia nikhua hre lova a tluk sawp nuaih a hmuh chuan a thi ngei tawh ang tiin a phone chuan thla (photo) a lak hnu chuan a haw san ta a ni.

A haw kawng,Pangsak khua a thlen chuan “vawiina ka mithah hi in hmu duh ve em” tiin a phone-a thlalak (photo) chu a enkual tir vel a ni. Tichuan an khua Zangtui, an mahni in ngei a thlen chuan a nu leh pate hnenah “vawiinah mi pakhat ka that a ni” tiin in tithei tawkin a sawi bawk. Pu Zam Lian Hau (victim) Nu leh Pa ten chanchin an hriatin an bawhzui nghal ta a, an fapa thi leh thau pawlha lo tlu sawp nuaih an hmuh chuan an hrilhhai/mangang hle a, Saizang Emergency Motor chuan Tedim Hospital an thlen a, doctor-in a hliam hi a nasa em mai tiin, Kawlpui(Tahan) Hospital ah a rang lamin a thawn ta a ni. Tun hi Kawlpui Hospital-ah enkawl mek a ni.

Pu Zam Lian Hau-a (victim) nu leh pate chuan Tedim police station-ah thubuai an ziak lut a, November 10, 2020 zingah khan Pu Zam Khaw Tut-a chu an mahni in ngeiah an man ta a ni. Tichuan Pu Zam Khaw Tut-a nu leh pate chuan Pu Thawng Za Go ( Zam Lian Hau-a Pu) Tedim, Sakollam-a cheng te hnenah Burma Nuaih 20-in inremna siam an tum a, Pu Zam Lian Hau(victim) nu leh pa leh a Pu te chuan Hospital senso zawng zawng hi tum vek u la, tichuan kan inngaidam dawn nia an lo ti a, mahse lehlam te chuan an pawm duh loh avangin inremna pawh a awm thei ta lo a ni. Pu Zam Khaw Tut-a chu a nu leh pa ten thamna pawisa pe in Tedim police station atangin an lachhuak ta a ni.

Kan thu dawn dan chuan a ha/hapui pariat ngawt vuak tliah sak a ni bawk.

Donations

  • Tawn Zuala 
    • $20 
    • 5 d
  • Van Chhakchhuak 
    • $50 
    • 8 d
  • Thang Khai 
    • $20 
    • 9 d
  • Mamuana Fanai 
    • $100 
    • 9 d

Organizer

Zam Tang 
Organizer
Baltimore, MD
  • #1 fundraising platform

    People have raised more money on GoFundMe than anywhere else. Learn more

  • GoFundMe Guarantee

    In the rare case that something isn’t right, we will refund your donation. Learn more

  • Expert advice, 24/7

    Contact us with your questions and we’ll answer, day or night. Learn more