Pu Ling Naing Bawmhnak
Thawngthanhnak le Lunglawmhnak
**************************************
Miphun Hawi hna a tu bantuk in Pu Ling Naing bawmhnak ah a kut samh mi nan dihlak cungah lunglawmhnak chim cawk lo kan ngei.
Mipi nan bawmhnak thawngin operation zong tuah dingin Doctor nih an zoh cang.
Kan hnu zarh ah thawng kan rak thanh cang bantuk in a tu bawmhnak hi August 10,2020 in kan khar cang tiah thawng kan thanh hna, petu nan dihlak cungah Pathain nih thluachuahnak tampi in pe cio ko hna seh.
Lawmhnak tampi he,
CRO Team.
*******************************************
A min: Pu Ling Naing
A khua: Kanpalet peng Londong khua.
Akum (44)
Malaysia phak kum 2010
A nupi min: Hian Mann
Fa pa 3 an ngei:
Pu Ling Naing hi 2010 ah Malaysia Kuala Lumpur a phan i a luan cia 2018 hrawng in dam lo in a rak um i siikhan ah a rak piah i sii dinding an rak pek caan ah a dam deuh i rian a tuan chih tawn i a donghnak bik thla hram thawk ah siizung nih tha tein an zoh tik ah ah akal (kidney) lung pa 7 an hmuh.
doctor te nih an chimnak ah cun akal pa 2 keh le orh in Oparation tuah hauh caah a tlawmbik ah hi Oparation tuahnak ah RM 10,000 na dih lai an ti. A hnu bik Aug thla ni 6 hlan ah nai tuah lo ah cun
kan in tuah kho ti lai lo e an ti. Oparation tuah lo ah cun a dam kho ding a si ti lo. Cu phaisa RM10,000 cu Malaysia dir hmun in lak nak ding a um ti lo. A mah hi ramdang ah chungkhat a ngei lo i Malaysia zong ah chungkhat bawmkho tu an um lo caah a tu bantuk in a lungre theih a van santuk le dam a duh ve caah CRO sinah bawmh hal nak ca a rak tial hnu ah CRO nih Mipi nan sinah bawmh halnak kan rak tuah piak hi a si. Dawtmi miphun hawi hna kan hawidawt Pu Ling Neig a damkhawh thannak caah voikhat na lak phak ti dinnak te i sum in na kut na samh piak ve nak lai Bawikhrih min in kan in sawm.
