Mizaw Va Bei Nge caah bawmhhalnak
Mizaw hartong Va Bei Nge caah bawmhhalnak
=======================================
A min : Va Bei Nge
A khua : Taubu, Matupi myone ( Mara )
A kum : 21
Umnak : Jalan Kepong, Malaysia
Zawtnak : A cuap, A paw, TB
Malaysia ah ralzam dirhmun in a ummi tlangval Ya Bei Nge ( kum 21 ) hi zawtnak phun thum a kemh ruangah June 10, 2019 ah khan PPUM hospital ah a um.
PPUM hospital ah 14 a um hnu ah Kuala Lumpur hospital ah an thial than. Cu hnu ah IPR sizung ah thial than a si i a tu tiang sizung ah a um rih ko.
A zawtnak hi sibawi te nih an chimnak ahcun a cuap ah ti a um, a paw ah ti a um, TB a si ti a si. Cuticun sizung ah June 10, 2019 khan a um i a tu tiang hi sizung ah a um rih ko. Zeitikah sizung an chuah lai zong theih khawh a si rih lo.
Sizung a umnak in a tu tiangah RM - 16000 reng lo an dih cang. Hi pinah tangka tamtuk a dih rih ding a si. Sizung an um cianak leiba zong an cham kho rih lo. A upa nih riantuan thiam loin sizung ah a umpi peng. Lungrethei ngaingai in an um ko.
Cu caah CYO Malaysia nih sizung ah voihnih kan va zoh i vawlei cung ah a ummi kan Chin miphun vialte hna sinah CYO min in bawmhnak kan rak hal piak.
Malaysia ah ralzam dirhmun in zawtfah i harnak ton hi zeitluk in dah a har ti cu a thei cangmi lawngte kan si. An mah dirhmun nih a tlinh khawh ti lo ruangah vawlei cung ramkip ah a ummi kan miphun hna sinah bawmhnak kan rak halnak hi a si.
Mahhi kan unau pa kum 21 lawng a si rihmi Ya Bei Nge sizung thlopbulnak dingah nangmah le na sian tawk tein bawmhnak rak pe ve ding ah kan in sawm.
Bawmhnak na pekmi zat le na min kha tling tein CYOM nih kan langhter lai. Min langhter na duh lo ahcun kan langhter lai lo.
Malaysia ah a ummi kan Chin miphun hna zong kan unau zawtfahnak ruangah harnak a tongmi Ya Bei Nge ( kum 21 ) caah bawmhhalnak Cabawm kan rak in pek cio te hna lai. Na sian tawk tein na kut na rak samh venak lai upatnak he zaangfah kan in nawl.
Malaysia ram chung ah bawmhnak pek khawhnak le pehtleihnak Phone number a tanglei bantuk in an si.
-Malaysia CYO nih Lai Kam Thang bawm an hal I a mah nih VanmiProductions mah tuah ding in aa kan hal than ve caah kan tuah mi asi.
