Khuafo Hartong Bawmhnak

Dawtmi Chin miphun hawidawt hna,

Tampi chim hau loin atu lioah Khuafo khua cungah a tlungmi harsatnak le ngaihchiatnak cu theih dih cio a si. Khuachia nakin a chiakha i a sual bikmi Kawl ralhrang hna kut (bomb thlaknak) in nu le ngakchia telh in minung 10 an nunnak a liam i minung 20 leng hliamhma an tuar.

Vawlei cung kakip Chinmi vialte, kan ngaih a chia, i kan lung a faak! Taantakmi chungkhar hna, hliam tuarmi hna le khuami hna a tah aihramnak le a tuarfahnak cu kan hmuh dih cang.

Bu dang/mi dang zong nih bulnak/bawmh halnak an tuahmi a um cang i mi tampi zong nih nan dawtnak kut nan rak zamh cio cang ko lai.

Sihmanhsehlaw, ngaihchiatnak le dawtnak kut a samh rih lomi hawikom naihniam, chungkhat unau le hi bawmh halnak a hmumi hawi dang hna caah tiin hi Gofundme hi kan rak tuahmi a si.

Kan miphun dohthlennak caah, minung lungthin a keng lomi Kawl ralhrang kut in a nunnak a liammi hna le hartuarmi Khuafo khuami hna caah hi ka hmun in kut na/nan rak samh cio naklai kan in sawm ko hna.

Dawtnak le ngaihchiatnak he,

CBN Team

Chin Broadcasting Network (CBN)

Australia