ጀግናውን የወንጌል ሰባኪ እንታደግ

እጅግ ጀግናና ቆራጥ የወንጌል ሰው ነው። ከክፉ የጨለማ ህይወት ወጥቶ ጌታ እየሱስን ካገኘበት ጊዜ ጀምሮ ስለ ገባው ወንጌል ብዙ ዋጋ እየከፈለ የኖረ ሰው ነው። 

ወንድማችን ኤፍሬም ወንጌል እየተረሳና ችላ እየተባለ በመጣባት ሲውዲን ጎዳናዎች እየተዘዋወረ ስፒከሩን ይዞ እየሰበከ በዚህም ጨለማ በወረሰውና መንፈሳዊ ነገር በተረሳበት ሀገር ትልቅ መነቃቃት መፍጠር የቻለ ወንድማችን ነው። ከአራት አመታት በፊት ሁለቱም ኩላሊቶቹ ፌል አድርገው በዲያሊሲስ እየታገዘ ቢቆይም ግን የወንጌሉን አደራ ችላ ሳይል በተለያዮ መድረኮች እየሰበከ በፌስቡክ የቀጥታ ስርጭት ያለዕረፍት እያገለገለ በዚህም ብዙ ሽዎችን ወደጌታ መንግስት ማምጣት የቻለ ወንድማችን ነው። በህይወቱ ተወራርዶ ከበሽታው ጋር እየታገለ በደቡብ አፍሪካ፣ በኬንያ፣ በኡጋንዳ ፣ በኢትዮጲያ፣ በጣሊያን ጎዳናዎች ላይ የምስራቹን ወንጌል እየሰበከ በዙ ሽወችን ወደ እግዚአብሔር መንግስት የቀላቀለ ጀግና የወንጌል ወታደር ነው። ይህ ጀግና አገልጋይ ታዲያ ላለፉት 4አመታት በሳምንት ሶስትና አራት ቀናት ለረዥም ሰአታት የኩላሊት እጥበት ዲያሊስስ እያደረገ ህመሙን ችል የወንጌሉን የምስራች ሰብኮልናል። ጤነኛ ሆነን ወንጌሉን ችላ ላልን ደግሞ ሀይለኛ የማንቂያ ደወል ሆኖሉናል። ወንድማችን ኤፍሬም አሁን ላይ ግን የኩላሊት ንቅለ ተከላ ካልተደረገለት በዲያሊሲስ መቀጠል የማይችልበት ሁኔታ ላይ ደርሷል። 

ስለሆነም ወንድማችን የኩላሊት ንቅለተከላ ማድረግ ይችል ዘንድ ይሄንን ጎፈንድሚ ከፍተንለታል። 

የወንጌል ሰባኪ ኤፍሬም ያለበት ሁኔታ ከባድ ነው ይሄንን ታላቅ የወንጌል ሰባኪ ከዚህ በላይ በመሰጠት ጌታን እንዲያገለግል ተረዳድተን አገልግሎቱ ላይ እንቅፋት የሆነበትን በሽታ ከሱ እንዲርቅ እናድርግለት። የኩላሊት ንቅለተከላ ለማድረግ ብዙ ገንዘብ ይጠይቃል ድር ቢያብር አንበሳ ያስር እንደሚባለው ከተባበርን ግን ሁሉ ቀላል ይሆናል። 

ኤፍሬምን ማዳን እግዚአብሔር በእሱ የጀመረውን ታላቅ ስራ ማስቀጠል ነው። በተከፈተው የጎፈንድ ሚ  አካውንት የአቅማችንን በማድረግ ወንድማችንን እንታደገው